ناوچە جۆراوجۆرەکانی کەرتی غەززە بوونەتە گۆڕەپانی هێرشی ئاسمانی، تۆپخانە، تەقە و تەقینەوەی وێرانکەری هێزەکانی داگیرکەری زایۆنی کە ئەوەش بووە هۆی زاڵبوونی کەشێکی پڕ ترس و تۆقان بە سەر دانیشتوانی کەرتی غەززە.

 وەزارەتی تەندرووستیی فەلەستین لە کەرتی غەززە ڕایگەیاند: لە ئەنجامی هێرشەکانی ڕژێمی زایۆنی بۆ سەر کەرتی غەززە لە ٢٤ کاتژمێری ڕابردوودا ٥ کەس شەهید بوون و ٢٥ کەسیش بریندار بوون. وەزارەتی تەندروستیی فەلەستین لە غەززە ڕایگەیاند، لە سەرەتای دەستپێکرانی شەڕی غەززە لە ٧ی ئۆکتۆبەری ٢٠٢٣ـەوە ژماری شەهیدانی کەرتی غەززە گەیشتووەتە ٧٣ هەزار و ٩١٩ کەس و ژمارەی بریندارەکانیش گەیشتووەتە ١٧٤ هەزار و ٩٧٧ کەس. هەروەها هێرشی تۆپخانەکانی سوپای زایۆنی بۆسەر هەندێک ناوچەی باشووری لوبنان بەردەوامە . تۆپخانەکانی سوپای زایۆنی شارۆچکەکانی کفر تبنیت و ئەلمەنسووری لە باشووری لوبنانیشیان کردە ئامانج.