وشداریی رێکخراوی نەتەوەکان لە بارەی قات و قڕیی لە یەمەن
ته‌مووز 12, 2020 09:57 Asia/Tehran
رێکخراوی نەتەوەکان رۆژی شەممە لە بارەی برسیەتی و قات و قڕیی بەمزوانە لە وڵاتی شەڕتێکەوتووی یەمەن وشداریی دا .
رێکخراوی نەتەوەکان رایگەیاند بێتوو یارمەتیی مرۆیی بەمزوانە نەگاتە دەستی خەڵکی یەمەن ، قاتی و برسیەتی ھەڕەشە لە گیانی نزیک بە 20 میلیۆن یەمەنی دەکات .
رێکخراوی نەتەوەکان لە راپۆرەکەی خۆیدا وێڕای وشداری دان لە حاند برسیەتی زۆر لە یەمەن لە چەند حەوتەی داھاتوودا ، خوازیاری یارمەتی نێودەوڵەتیی و مرۆڤ دۆستانە بۆ ئەم وڵاتە بوو .
بزوتنەوەی ئەنساروڵڵای یەمەن بەر لەوە راگەیاندبوو : ئەگەر ھاوپەیمانیی دەستدرێژکاری سعودی درێژە بدات بە راگرتنی گەمیەکانی ھەڵگری لێکەوتەی نەوتی و خواردەمەنی لە لێوارەکانی حودەیدە ، یەمەن بەمزوانە رووبەڕووی کارەسات دەبێتەوە .
