وتەبێژی بزوتنەوەی حۆڕاگریی ئیسلامیی فەلەستین «حەماس» بەرامبەر بە سەردانی شاندی فەرمیی ئیمارات بۆ لای کاربەدەستانی ڕژێمی زایونی کاردانەوەی پیشان دا.

بە پێی ڕاپۆرتی بنکەی ھەواڵدەریی «ئەلعەھد»ی لوبنان، «حازم قاسم» وتەبێژی بزوتنەوەی حۆڕاگریی ئیسلامیی فەلەستین «حەماس» ڕۆژی چوارشەممە وتی: شاندەکەی ئیمارات لە کاتێکدا سەدانی فەلەستینی داگیرکراوی کردووە کە سوپای ئەم ڕژێمە غەززەو سووریا بوردومان دەکات.

وتەبێژی حەماس وتیشی: ئاسایی بوونەوەی پەیوەندی لەگەڵ ڕژێمی زایونی، ئەم ڕژێمە بۆ بەردەوام کردنی دەست درێژکاری و سیاسەتی پەرە پێ دانی شارۆچکەسازییەکانی ڕووقایم تر دەکات.

شاندێکی فەرمی لە لایەن ئیماراتەوە بە دوو وەزیری ئەم وڵاتە دوێنێ گەییشتنە فەلەستینی داگیرکراوو ھاوکات سوپای ڕژێمی زایونی ناوچەگەلێکی کەرتی غەززەی بوردومان کرد.