خۆپیشاندانی بەربڵاو دژ بە نەتانیاهوو لە تێلاڤیڤ
هەزاران کەس لە دانیشتووانی فەلەستینی داگیرکراو شەوی ڕابردوو دیسان ڕژانە سەر شەقامەکانی تێلاڤیڤ و خوازیاری وازهێنان خێرای بنیامین نەتانیاهوو لە پۆستی سەرۆک وەزیرانی ڕژێمی زایۆنی بوون.
خۆپیشاندەران هەروەها خوازیاری بەڕێوەچوونی هەڵبژاردنی بەروەخت بوون. ئەم خۆپیشاندانانە لە ئاکامدا کێشرایە تووند و تیژی و هێزی پۆلیسی تێلاڤیڤ بە کەرەستەی سەرکوت کردن پەلاماری ناڕازییان لە سەرۆک وەزیرانی ڕژێمی زایۆنییان دا.
ژمارێک لە هەواڵدەرییەکان باسی ئەوە دەکەن لەم پێکدادانانەدا چەن خۆپیشاندەر وەبەر لێدان کەوتوونە و بریندار بوونە و ژمارێکی دیکەیش لەلایەن پۆلیسی ڕژێمی زایۆنییەوە دەسبەسەر کراون. تائێستا ژماری بریندار و گیراوان و وردییاتی دیکەی ئەم پێکدادانانە بڵاو نەبۆتەوە. ناڕەزایەتیی دەربڕینی ناڕازییان چەن رۆژ دوای ئەوەی دەست پێبووە کە وێدەچێ دیسان کاربەدەستانی زایۆنی تەگەرەیان ناوەتەوە لە بەردەم گەڵاڵەی دەسپێشخەرانەی دیلبەدیل لەگەڵ حەماس.
