فراکسیۆنی " وەفاداری بە خۆڕاگری " لە پەرلەمانی لوبنان جەختی لەسەر پێویستی تەسلیم نەبوون بە دوژمن و پێویستی پابەندبوون بە خاک و سەروەری کردەوە.

عەلی فەیاز، ئەندامی فراکسیۆنی " وەفاداری بەخۆڕاگری" لە پەرلەمانی لوبنان وتی: سەرەڕای پابەندبوونی لوبنان بە ئاگربەست و جێبەجێکردنی بڕیارنامەی ١٧٠١، دوژمنی زایۆنی بەردەوامە لە دەستدرێژی و داگیرکارییەکانی و هەوڵ بۆ  سەپاندنی  مەرجەکانی دەدات. ناوبراو وتی: ئەمریکییەکان دەستیان لە تاوانەکانی زایۆنیستەکان لە ناوچەکەدا هەیە. عەلی فەیاز لە سەر گرنگی یەکڕیزیی لوبنان لە ڕووبەڕووبوونەوەی ئەو هەڕەشە و مەترسیانە جەختی کرد: ئێمە دژی تەسلیم بوون بە دوژمنی زایۆنیستی و ئاسایی کردنەوەی پەیوەندییەکانین و ڕایدەگەیەنین کە سەبارەت بە خاک و سەروەری خۆمان لەگەڵ هیچ لایەنێک سازش ناکەین. نوێنەری لوبنان وتی:  ڕێگای چارەسەر ئەوەیە کە دوژمنی زایۆنی لە خاکی ئێمە بکشێتەوە و هەموو کردەوەیەکی  دەسدرێژکارانە  ڕابگرێت.