مەسرور بارزانی: چاوەڕێ دەکەم بکوژانی خێزانە کوردەکەی کۆنیا سزا بدرێن
ته‌مووز 31, 2021 15:09 Asia/Tehran
سەرۆکی حکومەتی هەرێم لەبارەی کوژرانی حەوت ئەندامی خێزانێک لە شاری کۆنیای تورکیا پەیامێکی بڵاوکردەوە و دەڵێت" چاوەڕوان دەکەم ئەنجامدەرانی هێرشەکە بەتەواوی سزابدرێن".
مەسرور بارزانی، سەرۆکی حکومەتی هەرێمی کوردستان لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر ڕایگەیاند" زۆر دڵتەنگم بە ئەنجامدانی هێرشێکی دڕندانە بۆسەر خێزانێکی کورد لە کۆنیای تورکیا".
لە تویتەکەیدا سەرۆکی حکومەتی هەرێم پرسە و سەرەخۆشیی خۆی و حکومەت ئاراستەی کەسوکاری کوژراوەکان دەکات و نوسیویەتی، چاوەڕوان دەکەم ئەنجامدەرانی هێرشەکە بەتەواوی سزابدرێن.
ئێوارەی دوێنێ هەینی، حەوت ئەندامی خێزانێکی کورد لە ناوچەی مەرامی شاری کۆنیا لە تورکیا بە دەستڕێژی گولـلە کوژران، تا ئێستاش هیچ کەسێک لەسەر روداوەکە دەستگیرنەکراوە.
