ھەوڵی پارێزگاری دیمەشق بۆ بنیاتنانەوەی پێتەخت و گەڕاندنەوەی ئاوارەکان
کانونی یه‌که‌م 02, 2020 00:41 Asia/Tehran
پارێزگاری دیمەشق ڕایگەیاند: بنیاتنانەوەی شاری دیمەشق و ناوچەکانی گردوپەڕی بە شێوەیەکی بەبڕشتانە لە بەرنامەی چالاکییەکانی دایە ھەتا بتوانێ ئاوارەکان بگەڕێنێتەوە.
بە پێی ڕاپۆرتی ڕۆزنامەی وەتەن، «عادڵ عەلبی» وتیشی : لە ئێستادا گەڕاندنەوەی ئاوارەکان بۆ ناوچە ڕزگار کراوەکان گرینگایەتییەکی زۆری ھەیە و چالاکی لە تەواوی ناوچە ڕزگار کراوەکان دەستی پێ کراوەتەوە.
ناوبراو بە ڕاگەیاندنی ئەمەی کە لە ئێستادا ئەو ئاوارانەی کە ماڵەکانیان بە ساغی ماوەتەوە، نیشتەجێ دەکرێن، وتیشی: ھێندێک ئاسانکاری بۆ گەڕانەوەی شارومەندان بۆ ماڵەکانیان کراوە.
پارێزگاری دیمەشق وتیشی: ھەوڵەکان بە شێوەی دەستبەجێ بۆ گەڕاندنەوەی شارومەندانی ناوچەی یەرموک بۆ سەر ئەو ماڵانەی بە ساغی ماونەتەوە، ھەروا بەردەوامەو چەندین بنەماڵەش گەڕاوەنەتەوە بۆ سەر ماڵ و حاڵی خۆیان.
