وەزارەتی دەرەوەی سووریا: بریتانیا شیاوی ئەوە نییە لە بارەی سووریاوە قسە بکات
کاربەدەستێکی وەزارەتی دەرەوەی سووریا جەختی کرد: بریتانیاو کاربەدەستەکانی شیاوی قسەکردن لە بارەی ڕەوشتی مرۆڤیی سووریاوە نین.
بە پێی ڕاپۆرتی ڕۆژی سێ شەممەی ھەواڵدەریی فەرمیی سووریا(سانا): کاربەدەستێکی وەزارەتی دەرەوەی سووریا لە کاردانەوەیەک دا بەرامبەر بە وتەکانی «جاناتان ھارگریوز» ناردراوی بریتانیا بۆ کاروباری سووریا، وێڕای سەرسوڕمان لە مەرایی کاریی ئەو کاربەدەستەی بریتانیاو بەراوەژوو پیشاندانی ڕاستییەکان، وتی: بریتانیا بەرپرسی پەژارەو کوێرەوەرییەکانی خەڵکی سووریایە.
«جاناتان ھارگریوز» لەم دواییەدا دیمەشقی وەک بەرپرسی ڕەوشتی نالەباری مرۆڤی لەو وڵاتەدا ناساند بوو.
ئەم کاربەدەسشتەی سووریا ئەوەشی ڕاگەیاندووە کە، ھۆکاری سەرەکیی خەم و کوێرەوەریی ئێستای خەڵکی سووریا، دەست درێژکاریی تیرۆریستی بووە، ئەو دەست درێژکارییەی کە خودی بریتانیا بە پاڵپشتیی بێ بڕانەوەی لە تاقمە تیرۆریستییەکان و لە بەرچاو نەگرتنی کرداری ستەمکارانە، بۆخۆی لەولایەنە سەرەکیانەی بەشداری ئاڵۆزی چێکردن لە سووریادا بووە.
