تورکیا ئاوی فوراتی به‌ڕووی سوریادا گرتووەتەوە
ئادار 14, 2021 22:04 Asia/Tehran
گرتنه‌وه‌ی ئاوی فورات له‌لایه‌ن تورکیاوه هه‌ڕه‌شه له‌هه‌زاران هاووڵاتی سوریی ده‌کات.
ماوه‌ی چه‌ند مانگێکه له‌لایه‌ن حکومه‌تی تورکیاوه به‌شێک له‌ئاوی رووباری فورات که ده‌چێته وڵاتی سوریاوه گیراوه‌ته‌وه و به‌وهۆیه‌شه‌وه هه‌زاران هاووڵاتی سووریی مه‌ترسی ژیانیان له‌سه‌ره.
هه‌ر به‌و هۆیه‌وه به‌شێکی زۆری زه‌وییه کشتوکاڵییه‌کانی سوریا وشک بوون و هیچ کشتوکاڵێکیان تێدا ناکرێت.
له‌گه‌ڵ ئه‌وه‌شدا زیانێکی زۆر به به‌رهه‌می ماسی له‌سوریا که‌وتووه و به‌ڕێوه‌به‌رایه‌تی سه‌رچاوه‌کانی ئاوی سوریاش داوا ده‌کات که ئاوی رووباره‌که به رووی سوریادا بکرێته‌وه.
