ھێزەکانی ئەمریکی جارێکی تر دەیان تانکەر نەوتی دزراوی لە بیرەنەوتەکانی سووریایان ئاودیوی عێراق کرد.

بە پێی ڕاپۆرتی ھەواڵدەریی فەرمیی «سانا» سەرچاوە خۆجێییەکان لە پارێزگای «حەسەکە» لە باکووری ڕۆژھەڵاتی سووریا ڕۆژی پێنج شەممە ڕایانگەیاند: ھێزەکانی ئەمریکی ٢٥ تانکەر نەوتیان لە بیرە نەوتەکانی سووریا دەرھێناوەو لە ڕێگای بوارگەی نایاسایی «ئەلوەلید»ەوە ڕایانگواستووە بۆ عێراق.

بە قسەی ئەم سەرچاوانە، ئەم ڕادە نەوتە بە پشتیوانیی زەوینی و ئاتسمانیی سوپای ئەمریکا بە پەڕینەوە لە بوارگەی نایاسایی «ئەلوەلید» گوێزراوەتەوە بۆ نێوخاکی عێراق. وەک باسی دەکرێت چەکدارانی ھێزەکانی سووریای دیموکراتیش پاسەوانییان لەو تانکەرە نەوتانە کردووە.

دەوڵەتی سووریا گوێزرانەوەی نەوتی ئەم وڵاتە و بە قاچاخ بردنی ئەم بەرھەمەی وڵاتەکەی گەلێک جار ئیدانە کردووەو لە ڕێکخراوەی نەتەوەکان و ئەنجومەنی ئاسایشت داوای کردووە ھەتا پێش بە تاڵان و بڕۆی سەرچاوەکانی سووریا لە لایەن سوپای ئەمریکاوە بگرن.