تاقمێکی تیرۆریستی سووری بەرپرسایەتیی تەقینەوەکەی دیمەشقی گرتە ئەستۆ
تشرینی یه‌که‌م 21, 2021 14:02 Asia/Tehran
تاقمێکی تیرۆریستی سووری بەرپرسایەتیی تەقینەوەکەی ڕۆژی چوارشەممەی دیمەشقی پێتەختی ئەم وڵاتەی گرتە ئەستۆ.
بە پێی ڕاپۆرتی ھەواڵدەریی فەرمیی سووریا، تاقمی تیرۆریستیی ناسراو بە «سەرایا قاسیون» ئەمڕۆ پێنج شەممە لە کاناڵی تەلەگرامیی خۆی دا بە بڵاو کردنەوەی بەیاننامەیەک ڕایگەیاند: تەقینەوە تیرۆریستییەکەی دیمەشق لە نزیکی ناوچەی «جسری ڕەییس» کاری ئەندامانی ئەم تافمە بووە.
ئەم تاقمە تیرۆریستییە باسی ئەوەی کردووە کە ھێرشەکانی خۆی لە ناوچەکانی ژێر ڕکێفی دەوڵەتی سووریا بەردەوام دەکات.
تاقمی تیرۆریستیی «سەرایا قاسیون» کە بە زۆری لە دیمەشق و گردوپەڕی دا خەریکی جم و جوڵە، پێشتریش بەرپرسایەتیی چەند ھێرشی دژی سوپای سووریای بە ئەستۆ گرتبوو.
