برینداربوونی شەش کەسی سڤیل لە ھێرشی ئەمریکا بۆ سەر سووریا
کانونی یه‌که‌م 07, 2021 16:32 Asia/Tehran
سەرچاوەکانی سووریا باسی برندار بوونی شەش کەسی سڤیلیان کردووە لە ھێرشی ئاسمانییی ئەمریکا بۆ سەر باکووری سووریا.
بە پێی ڕاپۆرتی ئاسۆپێتێد پرێس، ھێرشی ئەمریکا بۆ سەر گوندی «ماستومە» لە باکووری ڕۆژئاوای سووریا بریندار بوونی شەش کەسی ئەندامی بنەماڵەیەک لەوانە منداڵێکی دە ساڵانی لێ کەوتەوە.
«ئەحمەد قاسم» بە ترۆمبیلەکەی خەریکی گواستنەوەی بنەماڵەکەی لە باکووری سووریاوە بوو کە لە سەر ڕێگادا تەقینەوەیەک ڕووی داو کە ھۆکارەکەی ھاوێژرانی موشەک لە دروونێکی ئەمریکی بوو.
ئەمریکا بانگەشەی ئەوەی کردووە کە ئەو ھێرشەی بۆ کردنە ئامانجی سەرکردەیەکی تاقمی تیرۆریستیی ئەلقاعیدە ئەنجام داوە.
