پەرچەکرداری وەزیری دەرەوەی ئێران بە پەلامارە تیرۆریستییەکەی میسر
وەزیری دەرەوەی کۆماری ئیسلامیی ئێران لەکاردانەوە بە پەلاماری تیرۆریستیی سەر مزگەوتێک لەپارێزگای سینای باکووریی میسر، وتی: تیرۆریزم هیچ جیاوازییەک دانانێت لەنێوان بەها خودایی و مرۆییەکان.
بەپێی ڕاپۆری هەواڵدەریی ئیرنا، محەممەد جەوادی زەریف دوێنێ هەینی لە پەیجەکەی لەسەر تۆڕی کۆمەڵایەتیی توئیتەردا نووسی؛ جارێکی دیکە تیرۆریزمی ترسنۆک و ڕەزیل زەبری لە گەلی ئازیزی میسر وەشاند و سەلماندی، هیچ جیاوازییەک دانانێ لەنێوان شوێنەکاندا، تەنانەت ئەگەر مزگەوت بێ یان پەرستگە.
زەریف وتی: من ئەو کردە تیرۆریستییە بەتوندی ئیدانە دەکەم وبۆ شەهیدانی ئەو پەلامارە، ڕەحمەت بەئاوات دەخوازم و داوای چاکبوونەوە لەخودا دەکەم بۆ برینداران.
تەقینەوەی بۆمب و تەقە لەکاتی بەڕێوەچوونی نوێژی هەینی لە پارێزگای سینای باکووریی میسر، لانیکەم ٢٣٥کوژراو و ١٥٠برینداری لێکەوتەوە، هێشتا هیچ گرووپ ولایەنێک بەرپرسایەتی ئەو پەلامارەی نەگرتووەتە ئەستۆ.
