بە پێی ڕاپۆرتی ئاژانسی هەواڵی مێهر, سپای پاسداران لە بەیاننامەیەکدا ئەم دوو وڵاتەی ئیدانە کرد و پێی داگرت : ئاسایی بوونی پێوەندیی نێوان ئیمارات و رژێمی زایۆنی بۆ نەتەوەی ئیسلام وەکوو خەنجەرێکی ژەهراوییە و داهاتوویەکی مەترسیدار چاوەڕێی لایەنەکانی ئەم ڕێککەوتنە دەکات.

 لەم بەیاننامەیەدا داکۆکی کراوەتە سەر ئەوە کە ئەم کارە نەک تەنیا بەرژەوەندی رژێمی زایۆنی  دابین ناکات، بەڵکوو ئاواتی ڕۆژهەڵاتی ناوینی نوێ پووچەڵ دەکاتەوە و داهاتوویەکی نالەبار بۆ ئەمریکا و پشتیوانانی پێک دێنێت.

هەروەها ئەم کارە بە پیلانێک بۆ داگیرکردنی ئیمارات لە لایەن ئیسرائیل باس کراوە و نووسراوە: خەیانەتی ئاشکرای ئیمارات بە ئارمانجی یەکگرتووی ئیسلام، بۆتە هۆی کینە و نەفرەت لەبەرانبەر ڕێبەرانی ئەم وڵاتە.

هەروەها لەم بەیاننامەیەدا  پێشنیاری پێداچوونەوە بەم  پیلانەدا کراوە و نووسراوە: ڕێبەرانی ئیمارات دەبێ چاوەڕێی کاردانەوەی توندی خەڵکی فەلەستین بن.