زەریف: ئاژانس دەبێ بنەمای بێ لایەنی لە ھەڵس و کەوتەکانی دا ڕەچاو بکات
وەزیری کاروباری دەرەوەی ئێران ڕایگەیاند: ئاژانسی نێونەتەوەیی وزەی ناڤۆکی دەبێ بنەمای بێ لایەنی و پسپۆڕایەتیی خۆی لە ھەڵس و کەوتەکانی دا ڕەچاو بکات.
بە پێی ڕاپۆرتی فەرمانگەی گشتیی ڕاگەیاندن و کاروباری وتەبێژیی وەزارەتی دەرەوە، «موحەممەد جەواد زەریف» وەزیری کاروباری دەرەوەی ئێران ڕۆژی سێ شەممە لە دیداری لەگەڵ «ڕافائێل گروسی» بەڕێوەبەری گشتیی ئاژانسی نێونەتەوەیی وزەی ناڤۆکی لە تاران،وتیشی: ئێران بەدووی بەردەوام کردنی ھاوکارییەکانیەتی لەگەڵ ئاژانس دا لە ھەل و مەرجێگی ئاسایی و لە چوارچێوەی داب و نەریتی نێونەتەوەیی دا.
وەزیری دەرەوەی ئێران وتیشی: ھاوکارییەکانی ئێران و ئاژانسی نێونەتەوەیی وزەی ناڤۆکی بەردەوام لە سەر بنەمای بەڵێمە نێونەتەوەییەکان و لە چوارچێوەیەکی تەکنیکی و پڕۆفشناڵ دا بووە.
زەریف ھیواداریی دەربڕی، بە چارەسەر بوونی گرفتەکانی ئێستا لە سەر بنەمای متمتنەی بەرامبەر، ھاوکارییەکانی ئێران و ئاژانسی نێونەتەوەیی وزەی ناڤۆکی لە چوارچێوەی یاساوڕێساکانی چاودێری داو بە پێی نیازپاکی بەردەوام بکرێت.
«ڕافائێل گروسی» بەڕێوەبەری گشتیی ئاژانسی نێونەتەوەیی وزەی ناڤۆکییش لە دیدارەکەدا وتی: ئاژانسی نێونەتەوەیی وزەی ناڤۆکی ئەرکەکانی خۆی لە سەر بنەمای بێ لایەنی و پسپۆڕایەتی و ھەروەھا لە چوارچێوەی تێبینییە تەکنیکییەکاندا بەجێ دێنێ.
بەڕێوەبەری گشتیی ئاژانسی نێونەتەوەیی وزەی ناڤۆکی وتیشی: ھاوکارییەکانی نێوان ئێران و ئاژانس لە ڕابردوودا بە قازانجی ھەردووک لا بووەو لە ئێستاش دا بە سەرکەوتن بەسەر ھێندێک گرفت دا دەشێ ئەم ھاوکارییانە بەردەوام بکرێن.
