نازەنین زاغەری ئازاد کرا
پارێزەری نازەنین زاغەری تاوانباری ئێرانی - بریتانی رایگەیاند ، بەرپارێزەکەی ئازاد کراوە .
بە پێی راپۆرتی ئێران پرێس ، حوجەت کرمانی پارێزەری نازەنین زاغەری گوتی : بەرپارێزەکەی سزای پێشووی کە ھەیبوو ئەمڕۆ یەکشەممە کۆتایی ھات و پێبەندەکەی لێکرایەوە .
گوتیشی : نازەنین زاغەری ماوەی یەک ساڵ بە پێبەند لە دەرەوە بوو کە ئەمڕۆ کرایەوە .
کرمانی گوتیشی : کاری راگەیشتن بە دۆسیەی دوھەمی بەرپارێزەکەم بە تاوانی چالاکی پڕۆپاگەندە لە دژی دەوڵەت 24 ی رەشەمە لە دادگای شۆڕش دیاری کراوە .
نازەنین زاغەری شارومەندی ئێرانی بەریتانی کە لە ژێر ناوی بەڕێوەبەری پرۆژە لە کۆمپانیای میدیا گشتیەکانی تامسۆن رۆیتێرز چالاکی دەکرد ، سێی نیسانی 2016 لە ئێران گیرا .
نابراو بە ئەندامەتی لە کۆمپانیاکان و دامەزراوە بیانیەکان لە دیزاین کردن و جێبەجێ کردنی پرۆژەکانی میدیایی و سایبێری بە بابەتی روخاندنی کۆماری ئیسلامیی بەشداری ھەبووە .
زاغەری لە دادگای کۆماری ئیسلامیی ئێران دا 5 ساڵ گیرانی بۆ بڕابووەوە .
