خەتیب زادە : هیچ دانوستانیک لە نێوان ئێران و ئەمریکا لە ڤیەنا لە گۆڕێ دانیە
نیسان 19, 2021 12:17 Asia/Tehran
وتەبێژی وەزارەتی دەرەوەی ئێران گوتی ، وتووێژی راستەوخۆ و ناڕاستەوخۆ لە نێوان ئێران و ئەمریکا لە ڤیەنا ناکرێت .
سەعید خەتیب زادە رۆژی دوشەممە لەپرێس کۆنفڕانسی حەوتانە لە وڵامی پرسیارێک دا لە باری ئیدعای جۆ بایدن سەرۆکی ئەمریکا لە بارەی دانوستانی ناڕاستەوخۆی ئێران و ئەمریکا لە ڤیەنا ، جەختی کردەوە ، ئەوەی کە لە ڤیەنا هەیە ، وتووێژ لە چوارچێوەی لیژنەی هاوبەشی رێککەوتنی ناڤۆکیە .
وتەبێژی وەزارەتی دەرەوەی ئێران جەختی کردەوە ، ئەمریکا باشتر لە هەموان دەزانێ کە هەموو هەنگاوەکانی ئێران لە چوارچێوەی رێککەوتنی ناڤۆکیدا بوون و تەنیا کاتێک ئەم هەنگاوانە دەوەستن کە ئەمریکا هەموو بایکۆتەکانی دژی ئێران هەڵوەشێنێ و لە پاشان هەڵسەنگاندن بکرێت .
