بانگەشەی ئاژانسی نێودەوڵەتیی وزەی ئەتۆمی : پاشەکەوتی ئۆرانیۆمی ئێران 16 ئەوەندەی ئاستی مۆڵەتپێدراوە
ئاژانسی نێودەوڵەتیی وزەی ئەتۆمی رۆژی دوشەممە لە راپۆرێک دا بانگەشەی ئەوەیکرد ، رادەی ئۆرانیۆمی پیتێنراوی ئێران ، 16 ئەوەندەی ئاستی دیاریکراوی رێککەوتنی ناڤۆکیە .
بە پێی راپۆرتی ھەواڵدەریی فارس ، ئاژانسی نێودەوڵەتیی وزەی ئەتۆمی لەم راپۆرەدا کە بۆ ئەندامانی ئەنجوومەنی بڕیاردەرانی ئەم ئاژانسەی ناردووە و ھەندێ میدیاش بینیویانە ، رادەی ئۆرانیۆمی پیتێنراوی ئێرانی 3241 کیلۆ گڕەم مەزندە کردووە .
ئاژانسی نێودەوڵەتیی وزەی ئەتۆمی لە کاتی جێبەجێکرانی رێککەوتنی ناڤۆکیەوە ، ھەر سێ مانگ جارێک لە رەوتی جێبەجێکرانی رێککەوتنی ناڤۆکی و بەڵێنە ھاوپێوەندەکان بە چالاکیی ناڤۆکیی ئێران راپۆرت ئامادە دەکات .
لە رێکەوتنی ناڤۆکی دا ئاستی مۆڵەتپێدراوی ھێگزا فلۆرایدی ئۆرانیۆمی پیتێنراوی ئێران 300 کیلۆ ، ھاوتای 202 کیلۆ و 800 گڕەم ئۆرانیۆمی پیتێنراو دیاریکراوە .
پێبەند نەمان بە ئاستی 300 کیلۆ ھێگزا فلۆڕایدی ئۆرانیۆم بە پیتینرانی سەتی 3.67 یەکێک لە ھەنگاوەکانی ئێران لە چوارچێوەی رێککەوتنی ناڤۆکیدا بووە کە جێبەجێ کراوە .
ئێران لە کاتی نەمانی بایکۆتەکان و سود وەرگرتن لە بەرژەوەندیەکانی رێککەوتنی ناڤۆکی ، ئامادەی گەڕانەوە بۆ بەڵێنەکانی خۆیەتی .
