ئامادەیی ڕاگەیاندنی ئێران بۆ درێژ کردنەوەی گرێبەستی ناردەی گاز بۆ عێراق
یاریدەری وەزیری نەوت بۆ کاروباری گاز، لە دیداری شارنێکی عێراق دا ڕایگەیاند: ئێران ئامادەی درێژ کردنەوەی گرێبەستی ناردەی گازە بۆ عێراق.
بە پێی ڕاپۆرتی ئیسنا، «مەجید چگنی» یاریدەری وەزیری نەوت بۆ کاروباری گاز، لە دیدار لەگەڵ بەرپرسانی باڵای وەزارەتی کارەبای عێراق ڕایگەیاند: پەیوەندیی ئێران لەگەڵ عێراق ستراتژییەو جیا لە پەیوەندیی ئابووری، پەیوەندییەکی ڕوشنبیری و ئایینیی قوڵیشمان پێکەوە ھەیە کە دیارە زۆر گرینگە، لەم ڕووەوە ھەرچی ھاوکاری بەتایبەت لە بواری وزەدا زۆرتر بێت، ئەم پەیوەندییەش قوڵترو بەرچاوتر دەبێت.
«چگنی» وتیشی: وێڕای داواکردن لە لایەنی عێراقی لەمەڕ پابەند بوون بە گرێبەستەکانی ئێستاو ڕێککەوتنەکانی پێشوو، ئامادەی تاوتوێ کردنی پێشنیاری تازەشین لە لایەن وەزارەتی کارەبای عێراقەوە بە مەبەستی درێژکردنەوەی گرێبەستی ناردەی گار بۆ ئەو وڵاتە.
«جەواد ئەوجی» وەزیری نەوتی ئێرانیش پێشتر لە دیدار لەگەڵ «عادڵ کەریم» وەزیری کارەبای عێراق، دانوستان لەگەڵ لایەنە جۆربەجۆرەکانی بۆ پەرە پێ دانی ناردەو بازرگانیی گاز وەک ئەوبەرایەتییەکی دەوڵەتی سیانزەھەم ڕاگەیاند بوو.
