ڕوودانی دوو بوومەلەرزە لە سنووری ھاوبەشی نێوان ئێران و عێراق
May 31, 2022 11:25 Asia/Tehran
ئەمڕۆ سێ شەممە دوو بوومەلەرزە ھەردووک لای سنووری نێوان ئێران و عێراقی ھەژاند.
بە پێی ڕاپۆرتی ھەواڵدەریی شەفەق نیوز، سەرلەبەیانیی ئەمڕۆ سێ شەممە دوو بوومەلەرزەی یەک لە دوای یەک شارستانی «خانەقین» لە پارێزگای دیالەی عێراق و«قەسری شیرین» لە پارێزگای کرماشانی ئێرانی ھەژاند.
بە پێی ئەم ڕاپۆرتە، چڕگەی ھەردووک بوومەلەرزەکە شارستانی قەسری شیرین بووە کە یەکەمیان 3.6 ریختەر و بوومەلەرزەکەی دووھەمیش بە گوڕی 4 ریختەر بووە.
بە ختەوەرانە ئەم دوو بوومەلەرزەیە زیانێکی ئەوتۆیان لێ نەکەوتووەتەوە، بەڵام خەڵکی ناوچەکان ھەستیان پێ کردووە.
