قاڵیباف: نهێنی سه‌رکه‌وتنی ئێرانی ئیسلامی یه‌کگرتوویی شیعه و سوننه‌یه
سەرۆکی مەجلیسی شورای ئیسلامی، یەکڕیزیی نێوان سوننە و شیعەی بە کلیلی سەرکەوتنی ئەم وڵاتە لە کەرتە جۆربەجۆرەکاندا زانی و جەختی کردەوە: سوننە و شیعەکان لە بەرگریی پیرۆز و لە ڕووداوە ناوخۆییەکان دا بە یەکڕیزی و گیان بەخت کردن ئێرانیان ھێزمەندتر کرد.
بەپێی ڕاپۆرتی ئیرنا، «محەممەد باقڕ قاڵیباف» سەرۆکی مەجلیسی شورای ئیسلامیی ئێران لە دانیشتنی گشتیی ئەمڕۆ (یەکشەممە)دا، بەبۆنەی لەدایکبوونی پێغەمبەری سەردار(ص) و دەستپێکی حەوتەی یەکڕیزی لە هەموو موسڵمانانی جیهان پیرۆزبایی کرد.
سەرۆکی مەجلیسی شورای ئیسلامیی ئێران وتیشی: حەوتەی وەحدەت و یەکڕیزی هێمای ڕەنگدانەوەی ئاشکرای هاودەنگیی شێعە و سوننە لە شێوازی خزمەتکردنی ئێرانی ئازیز و شۆڕشی ئیسلامییە.
قالیباف هه‌روه‌ها وتی: ئێمه هه‌میشه له به‌رگریی پیرۆز و له ڕووداوه ناوخۆییه‌کاندا شایەتی ئه‌وە بووینە، که لە ھەر شوێنێکدا پێویست به ئاماده‌بوون و قوربانیدان و پێشکەشکردنی شه‌هید بووه، سوننه‌کان و شیعه‌کان توانیویانە به‌یه‌که‌وه ئێرانی ئازیز هێزمەند بکه‌ن.
قالیباف ئاماژه‌ی به‌وه‌ش دا کە: به‌پێی لێکدانه‌وه‌ی ڕابه‌ری مه‌زنی شۆڕشی ئیسلامی شیعه‌ی به‌ریتانی و سوننه‌ی ئه‌مریکی هه‌ردووکیان دوودەمی مەقەستێکن و به شێوه‌یه‌ک کار ده‌که‌ن که موسڵمانان بکوژن و له ڕاستیدا لە واراستەی خواستی ڕژێمی زایۆنی و ئەمریکای تاوانبار دەجوڵێنەوەودوژمنی قەساس قەسی کۆماری ئیسلامین.
