دەنگی متمانەی مەجلیسی ئێران بە وەزیری پێشنیارکراوی ڕێگاوبان و گەشەپێدانی شارەکان
کانونی یه‌که‌م 07, 2022 16:51 Asia/Tehran
نوێنەرانی مەجلیسی شورای ئیسلامیی ئێران دەنگیان بە «میهرداد بەزرپاش» وەزیری پێشنیارکراوی ڕێگاوبان و گەشەپێدانی شارەکان دا.
بە پێی ڕاپۆرتی ئیرنا، لە درێژەی کۆبوونەوەی ئاشکرای ڕۆژی چوارشەممەی مەجلیسی شورای ئیسلامیی ئێران ، دوای گوێگرتن لە بۆچوونی لایەنگران و نەیاران، نوێنەران بە ١٨٧ دەنگی بەڵێ ، ٦٤ دەنگی نەخێر، ٧ دەنگی بێلایەن، و ٥ دەنگی بەتڵەوە بوو دەنگیان بە «بەزرپاش» بۆ بە ئەستۆگرتنی وەزارەتی ڕێگاوبان و گەشەپێدانی شارەکان دا.
جێگای ئاماژەیە، ٢٦٣ ئەندامی مەجلیسی شۆرای ئیسلامیی ئێران بەشداریی ڕێوڕەسمی دەنگدانەکەیان کردبوو.
پێش ئەمەش «ڕۆستەم قاسمی» کە بەرپرسایەتیی وەزارەتی ڕێگاوبان و گەشەپێدانی شارەکانی لە ئەستۆ بوو ،بەهۆی نەخۆشییەوە دەستی لەکارکێشایەوە.
