پیرۆز کردنی ساڵگەڕی سەرکەوتنی شۆڕشی ئیسلامی
ئەمڕۆ شەممە ٢٢ی ڕێبەندانی ساڵی ١٤٠١، ڕێککەوت لەگەڵ ١١ی فڤریەی ٢٠٢٣، چل و چوارەمین ساڵڕۆژی سەرکەوتنی شۆڕشی ئیسلامیی ئێرانە.
٤٤ ساڵ لەمەوبەر لە ڕۆژی ١٢ی ڕێبەندانی ساڵی ١٣٥٧ی کۆچیی ھەتاوی (١ی فڤریەی ١٩٧٩)، حەزرەتی ئیمام خومەینی (ڕە) دامەزرێنەری مەزنی کۆماری ئیسلامیی ئێران، پاش پانزە ساڵ دابڕان و دوورخرانەوە لە نیشتمانەکەی، لە گەرمەی پێشوازیی پڕلە جۆش و خرۆشی خەڵک، گەییشتەوە خاکی ئێرانی ئیسلامی.
دوای تێپەڕینی دە ڕۆژ لە گەڕانەوەی بەڕێزی بۆ ئێران، لە ٢٢ی ڕێبەندانی ساڵی ١٣٥٧ (١١ی فڤریەی ١٩٧٩)، شۆڕشی شکۆمەندی ئیسلامیی ئێران سەرکەوت.
هەر لەبەر ئەمە لە ١٢ی ڕێبەندانەوە، واتە ئەو ڕۆژەی کە ئیمام خومەینی (رە) گەییشتنەوە ئێران، ھەتا ٢٢ی ڕێبەندان کە ڕۆژی سەرکەوتنی شۆڕشی ئیسلامییە، لە ئێراندا وەک «دەیەی فەجر» ناودێری کراوەو هەموو ساڵێک ئا لەم ڕۆژانەدا ئاهەنگ و ڕێوڕەسمی تایبەت بە سەرکەوتنی شۆڕشی ئیسلامی بەڕێوەدەچێت.
جەماوەری ئێرانی ئیسلامی ھەموو ساڵێک بە ئامادە بوونی ملوێنی لە ڕێپێوانێکی بەربڵاوو شکۆمەنددا لەگەڵ ئارمانجەکانی شۆرشی ئیسلامی و ڕابەری مەزنی شۆڕشی ئیسلامی دا پەیمان نوێ دەکەنەوە.
ھەر بەم بۆنەیەوە ڕێکخراوەی ڕادیۆو تەلەفزیۆنی کۆماری ئیسلامیی ئێران، بەتایبەت بەشی کوردیی ئەم ڕێکخراوەیە ساڵگەڕی سەرکەوتنی شۆڕشی ئیسلامی لە تەواوی بیرئازادانی جیھان پیرۆز دەکات.
