سەرۆک کۆمار: ئاسایشی ئێران، بەستراوەی هیچ وڵاتێک نیە
ئادار 05, 2024 13:00 Asia/Tehran
"سەید ئیبراهیم رەئیسی" سەرۆکی کۆماری ئیسلامیی ئێران لە ڕێوڕەسمی دەرچووانی زانکۆی زانستەکانی هێزی پۆلیس، وتی: ئاسایشی ئەمڕۆکەی ئێران سەرچاوەگرتوو لە ئامادەبوونی خەلک لە گۆڕەپانە جیاجیاکان و هەڵقوڵاو لە بەئاگابوون، بێداری، هۆشیاری و ئامادەباشیی هێزی سەربازی و پۆلیسە.
رەئیسی وتیشی: هێزە چەکدارەکان بۆ گەل، مایەی شانازین و جێگەیان لەنێو دڵی گەلدایە، چونکە لە تەنیشت خەڵک و لەگەڵ خەڵکدان.
سەرۆک کۆمار هەروەها وتی: توانای بەرگریی، سەقامی ئابوری و توانای کەلتوری، سێ فەکتەری گرینگی هێزمەندیی نیشتمانین.
چل و شەشەمین ڕێوڕەسمی دەرچووانی زانکۆی زانستەکانی هێزی پۆلیس، ئەمڕۆ دووشەممە بە ئامادەبوونی سەید ئیبراهیمی رەئیسی سەرۆکی کۆماری ئیسلامیی ئێران لە زانکۆی "ئیمام حەسەنی موجتەبا(ع)" بەڕێوە چوو.
