تیمی والیباڵی قەراخاویی ئێران بوو بە پاڵەوانی ئاسیا
تیمی والیباڵی قەراخاویی ئێران بە بردنەوە لە تایلەند بوو بە پاڵەوانی تووری ئاسیایی تیانجین.
قۆناغی فیناڵی تووری ئازادی ئاسیایی تیانجین ئەمڕۆ یەکشەممە لە چین پێوشوێن گیردرا. تیمی هەڵبژاردەی والیباڵی قەراخاویی ئێران لەم قۆناغەدا لەگەڵ تایلەند چووە مەیدان و بە ئەنجامی دوو بە سەفر سەرکەوت بۆ ئەوەی لە سەر پلەی یەکەمی ئەم توورە ئازادە ئاسییایەدا ڕاوەستێ.
والیباڵیستەکانی ئێران سەرجەم حەوت یارییان لە ڕکابەرایتییەکانی تووری ئازادی ئاسیایی تیانجین وەپشت سەر نا. لە قۆناغی بەرایی شکستیان بە هۆنگ کۆنگ، چین و ئۆسترالیا هێنا، لە قۆناغی لابردندا لە ژاپۆنیان بردەوە و چوونە قۆناغی پێش فیناڵ و لەم قۆناغەیش بە بردنەوە لە ئۆسترالیا گەیشتنە فیناڵ. لە یاریی فیناڵیشدا لەگەڵ یاریزانی تایلەندی چوونە مەیدان و لە دوو سێتی لەدوای یەکی ٢٢ بە ٢٠ و ٢١ بە ١٨ تایلەندیان بە چۆکدا هێنا و بوونە قارەمانی ئەم خولەی ڕکابەرایەتییەکان.
