کاردانەوەی ئێران بە پەسەنکراوی کنێسێت سەبارەت بە نەیارەتی کردنی پێکهاتنی وڵاتی سەربەخۆی فەلەستین
وتەبێژی وەزارەتی دەرەوەی کۆماری ئیسلامیی ئێران وتی: ڕێمی ئاپارتایدی ئیسراییل نەک هەر مەترسییەکە بۆ گەلی فەلەستین، بەڵکوو مەترسییە لە سەر ئاشتی و ئاسایشی نێودەوڵەتیش.
ناسر کەنعانی، وتەبێژی وەزارەتی دەرەوەی ئێران لە کاردانەوە بە دژایەتیی کنێسێت (پەرلەمانی ڕژێمی زایۆنی) لەگەڵ دامەزرانی دەوڵەتی فەلەستین، جەختی کرد: "پەسەنکراوی نوێی کنێسێتی ڕژێمی ساختەی ئیسراییل " سەبارەت بە دژایەتی کردنی پێکهاتنی وڵاتی فەلەستین لە درێژەی نۆ مانگ جەنایەتیی جەنگیی بەردەوام و ژینۆسایدی فەلەستینییەکان لەلایەن سوپای تیرۆریستی ئەم ڕژێمەوە، جارێکی دیکە سروشتی نژادپەرستانەی ڕژێمی داگیرکەری زایۆنی خستە بەرچاوی هەموو جیهان.
کانعانی لە درێژەی قسەکانی دا پێیداگرت: لەبەر بێهەڵوێستی حکوومەتەکان و بێدەنگەی ڕێکخراوە نێودەوڵەتییەکان، بە نەتەوە یەکگرتووەکانیشەوە، بەرامبەر بە دابینکرانی مافە ڕەواکانی گەلی فەلەستین و جێبەجێ کردنی یاسا و ڕێسا نێودەوڵەتییەکان لە دژی ڕژێمی داگیرکەری زایۆنی، خۆڕاگری و خەباتی دژ بە داگیرکەران تا هاتنەدیی هەموو مافەکانی فەلەستینییەکان، مافی ڕەوای ئەم نەتەوە بندەست و داگیرکراوەیە.
