پزیشکیان ڕوولە ترامپ: ئەگەربەنیازی وتووێژبووی، بۆچی قسەی هەڵیت وپەڵیتت کرد؟
سەرۆک کۆمار لە چل وشەشەمین ساڵوگەڕی سەرکەوتنی شۆڕشی ئیسلامی بە ڕاگەیاندنی ئەمەکە لە وەها ڕۆژێکدا خەڵکی ئێران زاڵمووستەمکارەکانیان لە وڵات دەرکرد، وتی: فەلسەفە وڕەمزی سەرکەوتنی ئێمە یەکێتی، یەکدەنگی وبەشداری خەڵک لە گۆڕەپان دایە.
" مەسعودپزیشکیان لە ناوکۆی ڕێپێوانانی ٤٦مین ساڵیادی سەرکەوتنی شۆڕشی ئیسلامی لە مەیدانی ئازادی تاران جەختی کرد: ٢٢ی ڕێبەندان یەومواللەیە چۆن هەموو خەڵکی ئێران بە بێ هیچ جیاوازێک هاتنە مەیدانەوە وبە هێزودەسەڵات وبە توانایی ، یەکدە نگی ویەکگرتوویی توانیان دەستی بیانیەکان لە وڵات کورت بکەن وزاڵمەکان وەدەرنین . سەرۆک کۆمار وتی: ئەمریکا دەڵێی دەمانهەوێ وتووێژ بکەین، بەڵام من دەبێژم ئەگەر نەنیازی وتووێژ دانوستان بووی ، ئەی بۆچی واقسەی هەڵێت وپەڵیتت کرد؟وتیشی: ئەمریکا دەێهەوێ هەموو ڕێگاکان لە ئێمە دابخات بەڵام دەزانین کە ناتوانێ ولەم ٤٦ ساڵە نەیتوانیوە. پزیشکیان وتی: خەڵک بزانن ئەگەر گیرەوکێشە هەیە ، ئێمە ی بەڕێوەبەر بەڵێن ئەدەین بەهەموو تواناوە لە ڕێبازی شەهیدان ،دەس بخەینە ناو دەستی یەک هەوڵ بدەین هەتا هەڵاواردن ، بێ عەداڵەتی، هەژاری وگیروکێشەکانی بەردەم بە هاوڕییەتی وهاودڵی هەمووان چارەسەربکەین . سەرۆک کۆمار جەختی کرد : دوژمنان بە دووبەرەکی نانەوە وناکۆکی نانەوە دەیانهەوێ ئەم بیروزەینە دروست بکەن کە ئێران لاوازبووە بەڵام بە تەگبیرو زانایی وئاوەزمەندی ڕێبەری مەزنی شۆڕش وبەشداری خەڵک لە گۆڕەپان، خەون وخەیاڵاتەکەیان ناێتە دیی ، خەڵکی ئێران لە بەرامبەر ملهوڕان وەستاون وپیلانی دوژمنان بە ئەنجام و ئاکام ناگات.
