کۆنترین بینای ئەندازیاریی جیهان لە ئێراندایە
شوبات 18, 2025 16:26 Asia/Tehran
یەکێک لە گەورەترین بینا ئەندازیارییەکانی جیهان لە شاری شووشتەری سەر بە پارێزگای خوزستان هەڵکەوتوو لە باشووری ڕۆژاوای ئێراندایە.
بینا ئاوییەکانی شووشتەر لە سەیر و سەمەرەترین بیناکانی ئێران لە سەردەمی ساسانییەکان و لە شاکارە ئەندازیارییە کەوناراییەکانی ئێران و لە گرینگترین ئاسەوارە تۆمار کراوەکانی نێو پێڕستی جیهانیی یونسکۆ دێتە ئەژمار.
ئەم کۆبینایە، سیستەمێکی پێشکەوتوو و ئاڵۆزکاوی پێکهاتوو لە جۆگە، بەنداو، پرد، ئاش و تاڤگە دەگرێتەوە کە بۆ کەڵک وەرگرتن لە ئاوی ڕووباری کاروون لە سەردەمی ساسانییەکان و تەنانەت پێشتریش ساز کراوە.
