SAHAR

شەمشەمەکوێرەکان ژمارەیەکی زۆر جۆری جیاوازیان هەیە؛ هەریەکەیان لە ڕووی قەبارە، خۆراک، نشینگە و دڕندەییەوە جیاوازن، گەورەترینیان هێندەی سەگێک دەبێت و بچووکترینیشیان هێندەی هەنگێکە. هەروەها هەندێکیان بەهۆی لەدەستدانی نشینگەکانیانەوە مەترسی لەناوچوونیان لەسەرە.

لەگەڵ ئەوەی بە درێژایی مێژووی چیرۆک و داستانەکان، شەمشەمەکان بە ئازاربەخش و دڕندە دانراون بەڵام بە پێچەوانەوە زۆرینەی جۆرەکانیان بێزیانن و لەهەمان کاتدا سوودبەخشیشن بۆ بەردەوامبوونی سوڕە سرووشتییەکانی زەوی، ئەمانەش نموونەی بەناوبانگترین جۆرەکانیەتی:

جۆرەکانی شەمشەمەکوێرە:

•     شەمشەمەی میوەی میسڕی: ئەم جۆرە لە هەموو ناوچەکانی ئەفریقا و ڕۆژهەڵاتی ناوەڕاست هەیە.
•     شەمشەمەی لووت: یاخود ناو دەبرێت بە کاغەزی کالیفۆرنیا، لە مەکسیک و ئەمریکا هەیە و ناوچە گەرمەکانی هاوشێوەی بیابانەکانی بۆ پەسەندە.
•     شەمشەمەی سپی هیندۆراس: لە زۆرینەی جۆرەکانی شەمشەمەکان جیاوازترە و ڕەنگێکی سپی نایابی هاوشێوەی بەفری هەیە و تەنها گوێیەکانی زەردن.
•     ڕێوی فڕۆکەوانی هیندی: ئەم جۆرە یەکێکە لە گەورەترین شەمشەمەکان و دەتوانێت لە شەودا نزیکەی ١٤-٦٤ کم ببڕێت.
•     شەمشەمەی قاوەیی گەورە: جۆرێکی بێزیانە و لە زۆرینەی ناوچەکانی ئەمریکا دەژی.
•     شەمشەمەی میوەی کورتەباڵا: قەبارەکەی زۆر بچووکە و لە ناوچەکانی ئەفریقا دەژی و خواردنی قەبارە بچووکیش دەخوات.
•     شەمشەمەی لووت سپی: جۆرێکی مێروو خۆرە، باڵە فراوان و گوێچکە گەورەکانی هاوکاری دەکەن بۆ ئاسان ڕاوکردنی نێچیرەکان.
•     شەمشەمەی گوێ درێژی قاوەیی: تایبەتمەندە بە درێژی گوێیەکانی و هەستی بینینی پەرەسەندوو.
•     شەمشەمەی زەردی دوو گوێ: جۆرێکی بێزیانە بەڵام بەهۆی نەمانی نشینگەکانییەوە مەترسی لەناوچوونی لەسەرە.