ڕەخنەی کاربەدەستێکی تورک لەوەی کە تورکیا لە ڕەوتی ئەندامەتیی یەکێتیی ئەورووپا وەلانراوە
وەزیری کاروباری یەکێتیی ئەورووپا و دانوستانکاری باڵای تورکیا لە کاردانەوەی بە ڕاپۆرتی ئەمدواییەی کۆمسیۆنی ئەورووپا رایگەیاند: وەلانانی ئاسۆی ئەندامەتیی تورکیا لەم یەکێتییە کردەوەیەکی نادرووست و ناشیاوە.
بە پێی ڕاپۆرتی هەواڵدەریی مێهر؛ "عومەر چەلیک" Ömer Çelik ڕۆژی چوارشەممە بە ڕەخنە لە راپۆرتی ئەمدواییەی یەکێتیی ئەورووپا سەبارەت بە پاشگەز بوونەوەی ئانکارا لە ڕێگای دەسراگەیشتن بە ئەندامەتیی لەم یەکێتییەدا وتی: راپۆرتی ناوەندیی ئەورووپایی بەدوورە لە هەرچەشنە راستبینی و ناتوانێ ناکۆکی دوولایەنە چارەسەر بکات.
وەزیری کاروباری یەکێتیی ئەورووپا و دانوستانکاری باڵای تورکیا بە ناڕوون وەسف کردنی ئەو ڕاپۆرتەی کۆمیسیۆنی ئەورووپا بڵاوی کردۆتە ڕاشکاوانە ڕایەیاند: ئەم راپۆرتە بەدوورە لە هەرچەشنە دواڕۆژبینی و لەودا بایەخ نەدراوە بە تێگەشتنی ورد و درووست و ڕەهەندەکان و ئاسۆی پێوەندییەکان نەخراوەتە بەر سەرنج.
دانوستانکاری باڵای تورکیا بۆ ئەندامەتیی ئانکارا لە یەکێتیی ئەورووپا لە درێژەدا وتیشی: ئەم راپۆرتە نابێتە هۆی لێک نزیک بوونەوەی پێوەندییەکانی نێوان تورکیا و یەکێتیی ئەورووپا. وەلانانی ئاسۆی ئەندامەتیی تورکیا لەم یەکێتییە کردەوەیەکی نادرووست و ناشیاوە.
کۆمیسیۆنی ئەوروپا ماوەیەک لەمەوبەر بە بڵاو کردنەوەی راپۆرتێک سەبارەت بە پاشگەز بوونەوەی تورکیا لە ڕێگای بە ئەندام بوونی لە یەکێتیی ئەورووپادا، دۆسییەی ئاسۆی ئەندامەتیی تورکیا لەم یەکێتییەی وەلانا.
