نەژادپەرستەکان لە شارێکی تورکیا ٧ کوردی خێزانێکیان کوشت
ته‌مووز 31, 2021 07:22 Asia/Tehran
دوێنێ هەینی ٣٠ ی تەموز لەشاری کۆنیای تورکیا تورکە رەگەزپەرستەکان هێرشیان کردە سەر خێزانێکی کورد و ٧ کەسی ئەو خێزانەیان کووشت.
میدیاکانی کوردی تورکیا بڵاویانکردەوە کە ئەو هێرشە لەلایەن تورکە توندڕەوەکانی خەڵکی ناوچەکەوە کراوەتە سەر ئەو خێزانە.
هەفتەی رابردووش بە هەمان شێوە هێرشکرایە سەر خێزانێکی کورد و کەسێکی کوژراو چەندانی تر بریندار بوون.
ماوەیەکە لە ولآتی تورکیا کوردان تورکیا و بگرە ئەو کەسانەی ھەرێمی کوردستانیش کە بۆ گەشت و چارەسەر دەچنە تورکیا لەلایەن توندڕەوە تورکە رەگەزپەرستەکانەوە رووبەڕووی هێرش دەبنەوە.
کوردانی تورکیا پەنجەی تاوان دەخەنە پاڵ حکومەتی ئاک پارتی و مەهەپە کە لە رووی سیاسییەوە زەمینە بۆ ئەو تورکە رەگەزپەرستانە خۆش دەکەن، پەلاماری کوردان بدەن.
