پێداگرتنەوەی تورکیا لەسەر ئۆپەراسیۆنە نایاساییەکانی لە عێراق و سوریا
وەزارەتی بەرگریی تورکیا جارێکی تر پێداگری لەسەر ئۆپەراسیۆنە سەربازییە نایاساییەکانی لە خاکی عێراق و سوریا بۆ خۆی وتەنی خەباتی دژی پەکەکە کردەوە، ئەمەش ھەمان بابەتە کە بەغدا و دیمەشق گەلێک جار ناڕەزایەتیان لە دژی ئەو کارەی ئەنقەرە دەربڕیوە.
ئەنقەرە پارتی کرێکارانی کوردستانی تورکیا (پەکەکە) و لقە پەیوەندیدارەکانی لە نێویاندا یەکینەکانی پاراستنی گەل (یەپەگە)ی خستۆتە لیستی گرووپە تیرۆریستییەکان و جگە لە تورکیا، ناوچەکانی باکوری عێراق و سوریاش کەوتووەتە بەردەم هێرشی نایاسایی. بابەتێک کە گەلێک جار ڕووبەڕووی ئیدانەو دژایەتیی توندی بەغداو دیمەشق و کۆمەڵگەی نێودەوڵەتی بووەتەوە و بە پێشێلکردنی سەروەریی ئەم دوو وڵاتەیان زانیوە.
بەگوێرەی کەناڵی TRT، وەزارەتی بەرگریی تورکیا ڕایگەیاندووە: گوایە لەشکریانی ئەم وڵاتە لە شەڕگەی "قەڵغانی فورات" و "چڵە زەیتون"، لە باکوری سوریا، دە چەکداری ئەندامی ڕێکخراوی جیایی خوازی "پەکەکە/یەپەگ"یان کە خۆیانیان بۆهێرشکردنە سەر ئەم ناوچەیە ئامادە کردبوو، لە چالاکی خستووە.
وەزارەتی بەرگریی تورکیا لە هەژماری تایبەتی خۆی لە تویتەر نووسیویەتی: ئەو تیرۆریستانەی کە تاکە ئامانجیان تێکدانی ناوچەکەیە، بەو جۆرەی کە ھەڵدەگرێت سزا دەدەین.
