لە فلیپین فڕۆکەیەکی سەربازیی بە 85 سەرنشینەوە کەوتە خوارەوە
ته‌مووز 04, 2021 19:12 Asia/Tehran
لە باشووری فلیپین، فڕۆکەیەکی سەربازیی کە 85 کەسی هەڵگرتبوو لە میانی نیشتنەوەدا کەوتە خوارەوە.
لەمبارەیەوە سەرۆکی ئەرکانی سوپای فلیپین، جەنەراڵ سیریلیتو سۆبیجانا رایگەیاند کە فڕۆکە سەربازییەکە کاتێک ویستوویەتی لە دوورگەی جۆلۆی سەربە ناوچەی سولو بنیشێتەوە، کەوتووەتە خوارەوە.
جەنەراڵ سیریلیتو سۆبیجانا باسی لەوە کرد کە تا ئێستا 40 کەس رزگارکراون و گوتی: ''تیمەکانی گەڕان و رزگارکردن بەردەوامن لەسەر کارەکانیان لە ناوچەکەدا بۆ رزگارکردنی سەرنشینەکانی دیکە''.
ئاماژە بەوەیش کرا کە فڕۆکەکە ئەو سەربازانەی گواستووەتەوە بۆ شوێنی کارەکانیان کە تازە لە خوێندنگەی سەربازی دەرچوون.
