پەردەلادان لەسەر فڕۆکە بۆمبھاوێژە ستراتیژییە تازەکەی هێزی ئاسمانیی ئەمریکا
هێزی ئاسمانیی ئەمریکا ڕایگەیاند کە فڕۆکەی بۆمبھاوێژی ستراتیژیی «B-21 Raider» لە ساڵی داهاتووەوە بە کۆمەڵەفڕۆکەکانی ئەم وڵاتەوە پەیوەست دەبێت.
بەپێی ڕاپۆرتی ڕۆژی هەینیی ئیرنا، ؛ هێزی ئاسمانیی ئەمریکا بەنیازە لانیکەم ١٠٠ لەو بۆمب هاوێژانە بەنرخی نزیکەی ٧٠٠ ملیۆن دۆلار بۆ هەر فڕۆکەیەک داوا بکات، کە پێشبینی دەکرێت یەکەمیان لە ساڵی ٢٠٢٣دا تەواو بێت و ڕادەست بکرێت.
ئەم فڕۆکەیە کە نوێترین فڕۆکەی بۆمبھاوێژە کە لە ماوەی چەند دەیەی ڕابردوودا هاتووەتە نێو سوپای ئەمریکاوە، وردە وردە جێگەی ئەو فڕۆکە بۆمبھاوێژانەی بی-١ و بی-٢ دەگرێتەوە کە لە سەردەمی جەنگی سارددا بەکار ھێنراون.
کۆمپانیای «نۆرسرۆپ گرومەن»، بەرهەمهێنەری ئەم فڕۆکەیە ڕایگەیاندووە کە ئێستا ٦ لەو فڕۆکە بۆمبھاوێژانە لە قۆناغی جۆراوجۆری دروستکردن و تاقیکردنەوەدان لە دامەزراوەی «پاڵمادەیل» لە کالیفۆرنیا.
