کۆتایی هاتنی کۆنفرانسی داماڵینی چەکی ئەتۆمی لە ژاپۆن و جەختکردنەوە لەسەر جیهانێکی دوور لە چەک و چۆڵ
لە مەراسیمی کۆتایی کۆنفرانسی داماڵینی چەکی ئەتۆمی لە شاری هیرۆشیما، سەرۆکوەزیرانی ژاپۆن داوای لە بەشداربووان کرد بەرەو جیهانێکی دوور لە چەکی ئەتۆمی هەنگاو بنێن.
کۆنفرانسی داماڵینی چەکی ئەتۆمی دوو ڕۆژە ئێوارەی دوێنێ لە شاری هیرۆشیمای ژاپۆن کۆتایی هات و لە دووەم ڕۆژی کۆنفرانسەکەدا بەشداربووان سەردانی مۆزەخانەی یادەوەریی ئاشتی هیرۆشیمایان کرد.
بۆردومانی ئەتۆمیی هیرۆشیما و ناگازاکی لەلایەن ئەمریکاوە لە ٦ و ٩ی ئابی ١٩٤٥ نزیکەی ٢٢٠ هەزار قوربانیی لێکەوتەوە.
گەلی ژاپۆن ھەروەھا یادەوەریی بوردومانە ئەتۆمییەکانی هیرۆشیما و ناگازاکی لە ساڵی ١٩٤٥ لەلایەن بۆمب هاوێژە ئەمریکییەکانیان لەبیر نەکردووە و هەمیشە ڕق و کینەی خۆیان بەرامبەر بەم تاوانە دژە مرۆڤایەتییە ڕاگەیاندووە.
بە پێی ڕاپۆرتی تۆڕی تەلەفزیۆنیی «ئێن ئێچ کەی»ی ژاپۆن، «کیشیدا فومیۆ»، سەرۆکوەزیرانی ژاپۆن لە ڕێوڕەسمی کۆتایی ئەم کۆبوونەوەیەدا ڕایگەیاند: هیوادارین گفتوگۆکان لەم ڕووەوە فراوانتر بکەین و لە کۆبوونەوەی ساڵی داهاتووی گروپی حەوت دا پەیامێکی بەهێز و ڕوون بۆ جیهان سەبارەت بە چەکی ئەتۆمی دەنێرین.
«شیریاشی تاکاشی»، پسپۆڕی پرسە سیاسی و نێودەوڵەتییەکانی ژاپۆن، هەروەها لەم کۆبوونەوەیەدا ڕایگەیاند، لە دوو ڕۆژی ڕابردوودا، بابەتی جۆراوجۆر، لەوانە ئەوەی کە بۆچی داماڵینی چەکی ئەتۆمی جێگەی سەرنجی هەموو لایەکە، تاوتوێ کران.
پرسی داماڵینی چەک و بڵاونەبوونەوەی چەکی ئەتۆمی یەکێک لەو پرسە گرینگانەی جیهانە کە کۆماری ئیسلامیی ئێران بە ئامانجی ئاشتی و ئاسایش و ڕزگاریی جیهان لە چەکی کۆمەڵکوژ گرنگییەکی زۆری پێدەدات و ڕۆڵی کارا دەگێڕێت لەم بوارەدا.
