کچەکەی حەمید نووری: دادگای سویید دادپەروەر نییە
کچی هاووڵاتییە دەستبەسەر کراوەکەی ئێران لە سویید جەختی لەوە کردەوە: دادگای سویید دادپەروەر نییە.
«عەتیە نووری» کچی «حەمید نووری» هاووڵاتیی ئێرانی کە لە وڵاتی سویید زیندانی کراوە، ڕایگەیاند: دادگای سویید بەبێ ئامادەبوونی باوکی بەرپا کراوە.
بەپێی ڕاپۆرتی هەواڵدەریی ئێران پرێس، «عەتیە نووری» وێڕای شی کردنەوەی دادگاکەی باوکی، وتیشی: باوکی لە دادگاکەدا ئامادە نەبوو کە دواتر هۆکارەکەیان بۆ پەک کەوتنی سیستەمی گواستنەوە گەڕاندەوە.
کچەکەی حەمید نوری ھەروەھا وتووشیەتی: دادگاکە بە زمانی سوییدی بەرپاکراو سیستێمی وەرگێڕو وەرگێڕانیشیان بۆ بنەماڵەی نوری دابین نەکرد.
عەتیە نووری جەختی لەوەش کردەوە: دادگاکە نێودەوڵەتی نییە و پێویستە کۆمەڵگەی نێودەوڵەتی خۆی لەم بابەتە تێ گەیەنێت.
کچەکەی حەمید نووری جەختی لەوەش کردەوە: ئایا دەکرێت دادگا بۆ کەسێکی ئێرانی بە زمانی سوییدو بەبێ ئامادە بوونی تۆمەتبارەکە بەڕێوە بچێت و ئینجا وەک دادگەیەکی حەق بەدەست و دادگەر لە قەڵەم بدرێت؟!.
عەتیە نووری وتیشی: کاتێک لە پارێزەرانی باوکمم پرسی بۆچی لە دادگا نییە، وەڵامیان دامەوە کە سیستەمی گواستنەوەی نێوان ناوەندەکانی دەستبەسەرکردن پەکی کەوتووە.
