لانیکەم ٧٨ کەس لەئاکامی سەرهەڵدانی لافاو لە برازیلیا گیانیان لەدەست داو ١٠٥ کەسیش بێ سەرو شوێن بوون
May 07, 2024 07:15 Asia/Tehran
کاربەدەستان ڕایانگەیاند کە لەئاکامی سەرهەڵدانی لافاو لە ناوچە باشوریەکانی برازیلیا تاکوو ئێستا لانیکەم ٧٨ کەس گیانیان لەدەست داوەو بەدەیان کەسیش هەروا بێ سەرو شوێنن.
کاربەدەستانی ئەو وڵاتە ڕایانگەیاند کە ژومارەی قوربانیەکانی باهۆزو ڕێژنە بارانە توندەکەی ئەو وڵاتە کە بوە هۆی سەرهەڵدانی لافاو لە ئیالەتی ڕیۆگراندە دوو سول لانیکەم گەیشتۆتە ٧٨ کەس و سەدو پێنج کەس بێ سەرو شوێن و ١١٥ هەزار کەسیش دەربەدەرو پەرتەوازە بوون.
ئەمە چوارەم لافاوی یەک ساڵی رابردوە و سێ لافاوەکەی پێشوتری برازیلیا بەگشتی بوە هۆی کوژرانی ٧٥ کەس.
بارانی توند لە چەند ناوچەی ئەو وڵاتە بۆتە هۆی سەرهەڵدان و تەشەنەی زۆر لە ڕوبارو بەنداوەکان.
