بومه‌له‌رزه‌یه‌کی به‌هێز ژاپۆنی هه‌ژاند؛ هۆشداریی تسۆنامی ده‌درێت
کانونی دوھەم 13, 2025 17:01 Asia/Tehran
بومه‌له‌رزه‌یه‌ک به تەوژمی 6.9 پله به پێوه‌ری رێخته‌ر ئه‌مڕۆ دوشه‌ممه له که‌ناراوه‌کانی ژاپۆن ڕوویدا و ترس و دڵه‌ڕاوکێی له‌ناو دانیشتووانی ئەم وڵاتە درووستکرد و وشداریش له روودانی تسۆنامی ده‌درێت.
ده‌زگای که‌شناسی ژاپۆن پشتڕاستی کرده‌وه که وشداری تسۆنامی به به‌رزی یه‌ک مه‌تر له پارێزگاکانی میازاکی و کۆچی باشوور ده‌رچووه.
ده‌سه‌ڵاتدارانی ژاپۆن ئامۆژگاری دانیشتوان ده‌کەن که ڕێوشوێنی خۆپارێزی پێویست بگرنه‌به‌ر و له که‌ناراوه‌کان نزیک نه‌بنه‌وه.
لای خۆیه‌وه سیسته‌می ئاگادارکردنه‌وه‌ی تسۆنامیی ژاپۆن پشتڕاستکردنه‌وه‌یه‌کی بڵاوکرده‌وه که دوای بومه‌له‌رزه‌که هیچ مه‌ترسییه‌کی تسۆنامی وێرانکه‌ر له ناوچه‌که‌دا نییه و ئاماژه‌ی به‌وه‌کرد، ئه‌و شه‌پۆلانه‌ی له ئه‌نجامی بومه‌له‌رزه‌که‌وه دروست ده‌بن، زۆر بچوک ده‌بن.
