پووتین: ئامادەی وتووێژین لەگەڵ ئوکراین
May 11, 2025 14:43 Asia/Tehran
سەرۆک کۆماری ڕووسیا پێشنیاری داوە وتووێژی راستەوخۆ لەگەڵ ئوکراین سەبارەت بە ئاشتی بەڕێوەبچێ.
ڤیلادیمیر پوتین وتوویەتی: ئەوە ڕووسیا نەبوو کە دانوستانەکانی ساڵی ٢٠٢٢ی ڕاگرت، بەڵکوو کییەف بوو. بەم حاڵەشەوە ئێمە پێشنیار دەدەین کە کییەف بە بێ هیچ پێشمەرجێک دانوستانی راستەوخۆ دەست پێبکاتەوە. سەرۆک کۆماری ڕووسیا وتی: ئێمە لەم وتووێژاندا دەتوانین سەبارەت بە ئاگربەسێکی تازە ڕێککەوین. پوتین بە ئاماژە بەوەی کە ڕووسیا بەجاران دەسپێشخەری هەبووە بۆ ئاگربەس، راشیگەیاند کە کاربەدەستانی کییەف وەڵامی هیچکام لە پێشنیارەکانی ئاگربەسیان نەداوەتەوە.
