ڕێکخراوی لێبووردنی نێودەوڵەتی، پەلاماری ڕژێمی زایۆنی بۆ سەر زیندانی ئێوینی تاران لە شەڕی داسەپێندراوی ١٢ ڕۆژەی دژ بە ئێرانی بە بنپێکرانی پڕمەترسیی مافە نێودەوڵەتییەکان زانی.

ڕێکخراوی لێبووردنی نێودەوڵەتی ڕایگەیاند: ئەم پەلامارە دەبێ وەک جەنایەتی جەنگی لێکۆڵینەوەی لەسەر بکرێ. سوپای زایۆنی پەلاماری ئاسمانی کردە سەر زیندانی ئێوین کە بە هۆیەوە دەیان کەسی مەدەنی کوژراو و بریندار بوون و زەبرێکی قورسیش لە بینا و باڵاخانەکانی ئەم بەندیخانەیە کەوت. ئەم ڕێکخراوەیە ڕایگەیاندووە کە دەیتاکانی پشتیان بە گرتەی ڤیدیۆیی، وێنەی سەتەلایتی و هەروەها شایەتیدانی شایەتحاڵان بەستووە. لە بەیاننامەکەی ڕێکخراوی لێبووردنی نێودەوڵەتیدا هەروەها ئەوەش هاتووە کە هیچ نیشانە و بەڵگەیەک لەبەردەستدا نییە کە بسەلمێنی زیندانی ئێوین ئامانجێکی سەربازی بووە.