دەوڵەتی ئێراق باسی ڕێککەوتنی ئەم وڵاتە لەگەڵ سوریای کرد لەسەر کردنەوەی تێپەڕگەکانی سنووری هاوبەش.

بەپێی ڕاپۆرتی ئەلعالەم،  کازم عەقابی  سەرۆکی شاندی بازگەکانی سنووریی ئێراق، ڕۆژی  پێنج شەممە وتی : دەوڵەتی ئەم وڵاتە و سوریا بەم ڕێککەوتنە گەیشتوون کە  بوارگەکانی قائم و بوکەمال  هەرچی خێراتر بەمەبەستی ئاڵ و وێری بازرگانی نێوان دوو وڵات بکەنەوە.

عقابی   وتیشی : هەوڵی پێویست بۆ ئامادەکردنی ئەم دوو تێپەڕگەیە بەڕێوەدەچێ و  ئەم تێپەڕگەیە هەتا شەش مانگی تر کەڵکی لێ وەردەگیردرێت.

کازم عەقابی  هەروەها باسی ڕێککەوتنی  بەغدا و دیمەشقی کرد بۆ درێژەی هەماهەنگی و ڕاوێژکردن بەمەبەستی کردنەوەی تێپەڕگەکانی سنوری هاوبەشی دیکەش.

سنوورەکانی هاوبەشی  ئێراق و سوریا لە کاتی پەلاماری ئەندامانی تاقمی تیرۆریستیی داعش بۆسەر ئەم دوو وڵاتە و داگیرکردنی ناوچەگەلێکی بەربڵاویان،  لە کۆنترۆڵی  دەوڵەتی ئێراق و سوریا  دەرهاتن و ئەندامانی  داعش لەم سنوورانە بۆ پەلامار بۆسەر ناوچەکانی دیکە و خەڵکی سیڤیل کەڵکیان وەردەگرت.

سوپای سوریا و ئێراق ئەم دواییە  بە یارمەتی  ڕاوێژکارانەی  کۆماری ئیسلامیی ئێران و داکۆکییەکانی ڕووسیا توانیان  دۆسیەی تاقمی تیرۆریستی  داعش لەم دوو وڵاتە دابخەن.

قەیران لە سوریا لەساڵی 2011 و لە ئێراق لە ساڵی 2014  بە پێی پەلاماری بەربڵاوی  تاقمەکانی تیرۆریستی کە لەلایەن  عەرەبستان و ئەمریکا و هاوپەیمانانی  داکۆکییان لێ دەکرێت، دەست پێکراوە.