بەڕێوەچوونی رێوڕەسمی ساڵھاتی شەھیدبوونی سەردار سولەیمانی و موھەندس لە شوێنی شەھیدبوونیان
ژمارێکی زۆر لە خەڵکی عێراق بە بۆنەی یەکەم ساڵھاتی شەھیدبوونی سەردار قاسم سولەیمانی و ئەبومەھدی موھەندس ، رێوڕەسمێکی شکۆداریان لە شەقامی فڕۆکەخانەی بەغدا ، شوێنی شەھیدبوونی ئەوان بەڕێوەبرد .
بە پێی راپۆرتی سابرین نیوز ، شارومەندانی عێراقی شەوی رابردوو بە ئامادەبوون لە شەقامی فڕۆکەخانەی بەغدا کە ساڵی رابردوو ئۆتۆمبێلی ھەڵگری سەردار سولەیمانی و ئەبوومەھدی موھەندس و ھاوڕێیانی ئەوان کەوتە بەر پەلاماری ئەمریکا ، بە داگیرساندنی مۆم و خوێندنەوەی دوعا ، یاد و بیرەوەریی فەرماندەرانی سەرکەوتنیان بەرز راگرت .
لەو رێوڕەسمەدا چەند کەس لە فەرماندەرانی حەشدی شەعبی بە وتارخوێندنەوە جەختیان کڕدەوە لەسەر درێژەدان بە رێگای فەرماندەرانی خۆڕاگری ، تۆڵەسەندنەوەی خوێنی ئەوان و دەرکردنی داگیرکەرانی ئەمریکی لە عێراق .
ھاوکات رێوڕەسمێکی دیکەش لە تەنیشت گڵکۆی ئەبوومەھدی موھەندس لە شاری نەجەف بەڕێوەچوو .
