پێشوازیی سەرۆکی مەجلیسی ئەعلای ئیسلامیی عێراق لە گەشتەکەی پاپا بۆ ئەم وڵاتە
مەجلیسی ئەعلای ئیسلامیی عێراق گەشتەکەی «پاپا فرانسیس» ڕابەری کاسۆلیکەکانی جیھات بۆ عێراقی بە نیشانەی جێگاوشوێنی شارستانی و مێژوویی عێراق زانیوە.
«شێخ ھومام حەمودی» مەجلیسی ئەعلای ئیسلامیی عێراق ئەمڕۆ ھەینی پێی داگرت: دیداری پاپا لەگەڵ ئایەتوڵڵا «سەیید عەلی سیستانی» مەرجەعی باڵای شێعەکانی عێراق جەخت کردنێکە لە سەر جێ و شوێنی مەزنی ئیسلامی و ڕۆڵی گەورەی عێراق لەمەڕ پتەوکردنەوەی بنج و بناوانەی بایەخەکانی برایەتی و دادگەری و ئاشتی.
«شێخ ھومام حەمودی» وتیشی: سەردانەکەی پاپا بۆ عێراق پەیامێکی مێژوویی بۆ تەواوی گەلانە بۆ ئەوەی بە ئاسایشت و یەکتر قەبوڵ کردن و پێکەوەژیان داھاتوویەکی ڕوون بۆ خۆیان بەدی بێنن.
«پاپا فرانسیس» ڕابەری کاسۆلیکەکانی جیھانی بەیانیی ئەمڕۆ لە گەشتێکی چەند ڕۆژەدا لە شاری ڕۆمای پێتەختی ئیتالیا بەرەو بەغدای پێتەختی عێراق وەڕێ کەوت.
