تەقینەوەی بۆمبا لە شاری کەرکوکی عێراق
تشرینی یه‌که‌م 31, 2022 10:40 Asia/Tehran
سەرچاوەیەکی هەواڵدەریی تەقینەوەی بۆمبا لە شاری کەرکوکی باکوری عێراقی ڕاگەیاند.
سەرەڕای شکستی تاقمی تیرۆریستی داعش لە ناوچەکانی باکورو ڕۆژئاوای عێراق، هێشتا بەشێک لە چەکدارانی ئەم تاقمە بەنهێنی لەم وڵاتەدا چالاکن.
بەپێی ڕاپۆرتی کەناڵی هەواڵدەریی ئەلمەیادین ڕۆژی دووشەممە، بەهۆی تەقینەوەی بۆمبێکەوە لە ناوچەی «موسەلای» شاری کەرکوک کە دەکەوێتە باکووری عێراق، 4 کەس برینداربوون.
تا ئێستا وردەکارییەکانی ئەم تەقینەوەیە بڵاونەکراوەتەوە.
پێویستە ئاماژە بەوە بکرێت، بۆ ئەوەی داعش و چەکدارە هەڵاتووەکانی سەرهەڵنەداتەوە، هێزە ئەمنییەکانی عێراق بەردەوامن لە گەڕان و پاککردنەوە و بەدواداچوون بۆ بەرماوەکانی داعش لە سەرتاسەری وڵاتدا.
