لەناوبرانی تیرۆریستانی داعش لە عێراق
کەناڵی تەلەفزیۆنیی ئەلئەخباریە کوژرانی ١٣ تیرۆریستی تاقمی تەکفیری زایۆنیستیی داعشی لە سێ پارێزگای عێراق ڕاگەیاند.
بەگوێرەی ھەواڵی کەناڵی ئەلئەخباریە، بەرەبەیانی ئەمڕۆ سێشەممە 14 تیرۆریستی داعش کە تاوانی مەترسیداریان لە دژی گەل و هێزە ئەمنییەکانی عێراق ئەنجام دابوو، لە هەڵمەتە ئاسمانییەکانی عێراق بۆ سەر حەشارگەی تیرۆریستان لە چیا و بەرزاییەکانی پارێزگای دیالە کوژران.
هەروەها هێزی ئاسمانیی عێراق و ڕێکخراوی دژەتیرۆر چەندین هێرشی ئاسمانییان بۆ سەر حەشارگەی باندە تیرۆریستییەکان لە چیاکانی «شێخ ئیبراهیم» لە ناوچەی تەلعەفەری پارێزگای نەینەوا و بەرزاییەکانی حەمرین لە پارێزگای دیالە ئەنجامدا، کە بووە هۆی لەنێوچوونی ژمارەیەک حەشارگە و مردنی هەموو ئەو کەسانەی لەناویاندا بوون.
«سەباح ئەلنوعمان» وتەبێژی ڕێکخراوی دژەتیرۆر لە عێراق ڕایگەیاند، تیرۆریستانی داعش هەوڵدەدەن جارجارە ئۆپەراسیۆنی تیرۆریستی ئەنجام بدەن بە ئامانجی ڕاکێشانی سەرنجی میدیاکان و بەدەستهێنانی پشتیوانیی دەرەکی دوای شکستەکانیان لە عێراق و سوریا.
