خاپوورکرانی بارەگاکانی داعش لە عێراق
چەکدارانی عێراق بارەگایەکی تیرۆریستانی داعشیان لە ڕۆژئاوای پارێزگای نەینەوا کردە ئامانج و خاپووریان کرد.
بە پێی ڕاپۆرتی ڕۆژی چوارشەممەی هەواڵدەریی واع؛ هێزی ئاسمانیی عێراق لە ئۆپەراسیۆنێکدا لە ڕۆژئاوای نەینەوا لە باکووری ڕۆژئاوای ئەم وڵاتە توانی بارەگایەکی تیرۆریستانی داعش تێک و پێک بدات، کە وەک نەخۆشخانە بەکارهێنرابوو.
لەلایەکی دیکەوە ڕێکخراوی هەواڵگریی سەر بەوەزارەتی ناوخۆی عێراق دەستگیرکردنی 5 تیرۆریستی داعشی لە ناوچەکانی پارێزگای نەینەوا ڕاگەیاند.
بەشی هەواڵگریی سەربازی عێراقیش لە بەیاننامەیەکدا ڕایگەیاند: لە ئۆپەراسیۆنێکی بەرپەرچ دانەوەو بە هەوڵە هەواڵگرییە تایبەتەکانی فیرقەی 8ی ئیدارەی هەواڵگریی سەربازیی عێراق و بە هاوکاریی هێزە زەمینییە تایبەتەکان و لە ئەنجامی بۆسەیەکی ورد، یەکێک لەو تیرۆریستانەی کە بەپێی مادەی چوارەمی یاسای تیرۆری عێراق کەوتبووەبەرپەیگەڕی دادگاکان، لە ناحیەی «ئاڵتون کوپری»ی سەر بە پارێزگای کەرکوک لە باکوری ئەم وڵاتە دەستگیرو ڕادەستی دامەزراوەی پەیوەندیدار کرا.
