شاخەوانانی مەهابادی خۆیان گەیاندە دوندی دوهەمین لوتکەی بەرزی ئێران
ئه‌یلوول 07, 2020 10:56 Asia/Tehran
بەپرسی تیمی شاخەوانیی مەهاباد گوتی : شاخەوانانی ئەم شارە لە ماوەی سێ رۆژدا توانیان بگەنە سەر " عەلەم کوە" دوهەمین لوتکەی بەرزی ئێران .
دیاکۆ ئەفشەر دڵ لە وتووێژ لە گەڵ ئیرنادا گوتیشی : ئەم سەرکەوتنە لە چوارچێوەی تیمێکی 13 کەسی دا بوو بریتی لە 10 پیاو و سێ ئافرەت کە شاخەوانانی ئامادەبووی ئەم هەڵکشانە توانیان بگەنە سەر دوندی ئەم لوتکەیە کە لە رێگا زۆر سەخت و چەتوونەکانە .
گوتیشی : کەشی هەوا لەو وەرزەی ساڵدا لە بەرزاییەکانی عەلەم کوە ناخۆشە و پلەی گەرما تا دە پلە ژێر سفرە .
چیای عەلەم کوە لە پارێزگەی مازندەرانی باکووری ئێران هەڵکەوتووە و دوهەمین لوتکەی بەرزی ئێرانە دوای دەماوەند .
