لە لەندەن فستیڤاڵی فیلمی کوردی بەشێوەی ئۆنلاین بەڕێوەدەچێت
نیسان 12, 2021 14:57 Asia/Tehran
یەکەمین خولی ئۆنلاینی فستیڤاڵی فیلمی کوردیی لەندەن بەڕێوەدەچێت و بۆ هەمووان ڕێگەپێدراوە کە لە ڕێگەی یووتیووبەوە فیلمە بەشداربووەکانی بەشی پێشبرکێ ببینن.
بەپێی هەواڵی کوردپرێس، ڕۆژی ٢٥ی گەلاوێژ (١٥ی ئاب) ١١یەمین خولی فستیڤاڵی فیلمی کوردی لەندەن دەستپێدەکات و ماوەی ١٠ ڕۆژ دەخایەنێت. ئەو فستیڤاڵە لە ٢٠ ساڵ پێش ئێستاوە هەموو دوو ساڵ جارێک بەڕێوەچووە و لە خولی ئەمساڵیدا کە یەکەم خولی ئۆنلاینی ئەم فستیڤاڵەیە وابڕیارە 100 فیلمی سینەمایی و دۆکیۆمێنتار و کورتەفیلم نمایش بکرێن.
لە دوای نمایشکردنی فیلمەکان، بەشێوەیێکی ئۆنلاین گفتوگۆ لەبارەی فیلمەکان دەکرێت.
فستیڤاڵی فیلمی کوردی یەکەمین فستیڤاڵ بۆ فیلمی کوردی کە لە ٢٠٠١ـەوە دەستی پێکردووە و لە لەندەنی پایەختەی بەریتانیا سازدەکرێت.
