لە سلێمانی ، پەڕتووکی "دوو ده‌یه شانازى وه‌رزشکاره کورده‌کان" بڵاوکرایەوە
ئه‌مرۆ یه‌کشه‌ممه له باخچه‌ى رێکخراوى گه‌شه‌پێدانى مه‌ده‌نیه‌ت ( CDO) له شارى سلێمانى ، کتێبى ( دوو ده‌یه شانازى وه‌رزشکاره کورده‌کان له‌گه‌ڵ هه‌ڵبژارده‌ى عێراق ٢٠٠٠-٢٠٢٠) له مه‌راسیمێکدا بڵاوده‌کرێته‌وه .
بە پێی ھەواڵێکی بەشی وەرزشیی پی یوو کەی میدیا ، ئاماده‌کارى کتێبه‌که ، نووسه‌رو رۆژنامه‌نووسى وه‌رزشى (هه‌رێز جه‌مال)ه‌و کاره‌که‌ش پێکهاتووه له ته‌واوى ژیانى ئه‌و وه‌رزشکاره کوردانه‌ى له‌گه‌ڵ هه‌ڵبژارده‌ى عێراق له ٢٠ ساڵى رابردوو له پاڵه‌وانێتییه ده‌ره‌کییه ره‌سمیه‌کانى وه‌ک ئۆلۆمپیاد ، جامه جیهانیه‌کان ، پاڵه‌وانێتییه‌کانى ئاسیاو عه‌ره‌ب و رۆژئاواى ئاسیاو وڵاتانى ئیسلامى به شێوه‌یه‌کى ره‌سمى به‌شدار بوون .
کاره‌که‌ش به‌رهه‌مى زیاتر له دوو ساڵ گڕان و لێکۆلینه‌وه‌یه له‌سه‌ر ته‌واوى یاریزانان و ناوبژیوانان و راهێنه‌ران و زیاتر له ٣٠٠ وه‌رزشکارى له خۆ گرتووه .
کتێبه‌که به سپۆنسه‌رى سه‌نته‌رى میترۆ بۆ داکۆکى له رۆژنامه‌نووسان چاپکراوه‌و به شێوه‌یه‌ک که یه‌که‌مجاره کتێبێکى رۆژنامه‌وانى وه‌رزشى به به‌رزترین کوالیتى ره‌نگاو ره‌نگ دێته به‌رهه‌م .
هه‌رێز جه‌مال ، زیاتر له ١٥ ساڵه سه‌رقاڵى کارى رۆژنامه‌وانیه‌و پێشتریش دوو کتێبى چاپکراوى بڵاوکراوه‌ته که ئه‌وانیش رێبه‌رى رۆژنامه‌وانى رۆژنامه‌نووسى و له پشت هێڵه‌کانى یاریگاوه‌یه .
