بەرپرسی بەشی ئاسیایی ئۆلەمپیکی ٢٠٢٠ ستایشی ئامادەبوونی وەرزشکاران، کادێری ھونەری و شاندی ھاوڕێی وەرزشکارانی ئێران لە ئۆلەمپیکی ٢٠٢٠ی تۆکیۆی کرد.

بە پێی ڕاپۆرتی ڕادیۆو تەلەفزبۆنی ئێران بە گێڕانەوە لە لێژنەی نیشتیمانیی ئۆلەمپیکەوە، «ھیبیوم لی» بەڕێوەبەری بەشی ئاسیایی دەرکردنی پسولەی یارییەکانی ئۆلەمپیکی تۆکیۆ لە نامەیەک دا بۆ لێژنەی نیشتیمانیی ئۆلەمپیکی ئێران، وێڕای ستایش کردنی بەشداریی بەرپرسان و وەرزشکارانی ئێرانی لە ئۆلەمپیکی تۆکیۆ ستایشی ھاوکاریی گونجاوو شیاوی لێژنەی نیشتیمانیی ئۆلەمپیکی ئێرانی کرد بە مەبەستی ئامادە بوونی وەرزشوانانی ئێرانی لە ئۆلەمپیک دا.

لە نامەکەی «ھیبیوم لی» بۆ لێژنەی نیشتیمانیی ئۆلەمپیکی ئێراندا ھاتووە: وێڕای سوپاسبێژی بۆ بەشداریتان لە بارەی یارییەکانی ئۆلەمپیک لە ماوەی دوو ساڵی ئەم دواییە، ھاوکاری لەگەڵ ئێوە جێگای شانازی بوو بۆمان و لە تەواوی ھەوڵەکانتان لە ئاراستەی بەرپاکرانی یارییەکانی ئۆلەمپیک ڕێز دەگرین.